Bugun Islandiya o'z tarixida ilk bor Jahon chempionatiga chiqishi mumkin

Serbiya

Serblar guruhda birinchi o'rindalar, shu bois bugun Gruziya mag'lub etilsa yo'llanmani naqd qilishadi. Serbiya quyidagi holatlarda ham birinchi o'rinni saqlab qoladi:

- Serbiya - Gruziya va Uels - Irlandiya uchrashuvlarida durang qayd etilsa

- Serbiya Gruziya bilan durang o'ynasa, Irlandiya esa Uelsni 4 yoki undan ko'p gol farqi bilan yutmasa.

Uels

Beyl jamoadoshlari shunday holatlarda birinchi o'ringa chiqishadi:

- Irlandiya mag'lub etilsa va Serbiya Gruziya bilan uchrashuvda ochko yo'qotsa

- Irlandiya bilan durang qayd etilsa va serblar Gruziyaga 2 va undan ko'p gol farqi bilan yutqazsa

Irlandiya

Ayni paytda guruhda uchinchi o'rinda borayotgan Irlandiya bugun yo'llanmaga ega chiqishi uchun quyidagi holatlar yuz berishi kerak:

- Uelsni mag'lub etsa va Serbiya o'z uyida Gruziyaga yutqazsa

- Uelsni 5 va undan ko'p gol farqi bilan mag'lub etsa va Serbiya Gruziya bilan durang o'ynasa

Evropa. "D" guruhi
Moldova – Avstriya. 23.45
Serbiya – Gruziya. 23.45
Uels – Irlandiya. 23.45

Islandiya

Islandlar o'z maydonida Kosovoni mag'lub etishsa tarixida ilk bor Jahon chempionatiga chiqishadi. Islandiya xatto durang va mag'lubiyat ham birinchi o'rinda qolishi mumkin. Buning uchun Ukraina - Xorvatiya uchrashuvida durang qayd etilishi lozim.

Xorvatiya

Luka Modrich va sheriklari guruhda birinchi bo'lishlari uchun: Ukrainani mag'lub etishi va Islandiya o'z uyida Kosovo bilan bahsda ochko yo'qotishi kerak bo'ladi.

Ukraina

SHevchenko shogirdlari yo'llanmaga ega bo'lishlari uchun bugun Xorvatiyani mag'lub etishlari va Islandiya g'alaba qozona olmasligi kerak. Agar Islandiya Kosovoga yutqazsa Ukraina istalgan hisobdagi g'alaba qoniqtiradi, agar Islandiya durang o'ynasa Ukraina Xorvatiyani 2 to'p farqi bilan mag'lub etishi kerak bo'ladi.


Evropa. "I" guruhi
Finlyandiya – Turciya. 23.45
Islandiya – Kosovo. 23.45
Ukraina – Xorvatiya. 23.45