Bugun futbol. "Qizilqum" - AGMK
13 iyu 2020 12:22
Yangiliklar

Bugun futbol. "Qizilqum" - AGMK

Ikki yarim oylik tanaffusdan so'ng bugun Coca Cola Superligasining 4-tur bahslariga start beriladi.

Navoiyda Olmaliq shahrining AGMK klubi "Qizilqum" mehmoni bo'ladi. Musobaqa jadvalida "Qizilqum" atigi bir ochko bilan 12-o'rinda boryapti. AGMK hisobida esa 5 ochko bor va 6-pog'onani egallab turibdi.

"Qizilqum" uchun bu yilgi mavsum omadsiz boshlandi. Jamoa uchta o'yin o'tkazib hali g'alaba qozongani yo'q. Avvaliga klubga Aleksandr Xomyakov bosh murabbiy etib tayinlanishi kutilgandi, biroq voqealar rivoji o'zgarib Tachmurod Agamurodov jamoani qabul qilib oldi. Bugun navoiyliklar turkmanistonlik mutaxassis qo'l ostida dastlabki o'yinni o'tkazishadi.

Superligani o'z maydonida "Nasaf"ga qarshi bahs bilan boshlagan "Qizilqum" dastlabki turda 1:3 hisobida mag'lub bo'ldi. Jamoa ikkinchi uchrashuvni ham o'z o'yingohida o'tkazib bu safar "Surxon"ga imkoniyatni boy berdi. Hartugul 3-turga kelib navoiyliklar Muborakda "Mashal" bilan 1:1 natijasini qayd etishdi.

"Qizilqum"dan farqli o'laroq AGMK mavsumni ketma-ket ikkita durang bilan boshladi. Jamoa uyda "Metallurg", safarda "So'g'diyona" bilan kechgan kechgan bahslarda bir ochkoli bo'ldi. Mirjalol Qosimov boshqaruvidagi jamoa 3-turga kelib ilk g'alabasini nishonladi. Olmaliqda "Bunyodkor" 2:0 hisobida mag'lub etildi.

AGMK bugungi raqibiga nisbatan birmuncha shakllangandek tasavvur uyg'otmoqda. Har holda Mirjalol Qosimovning jamoada ish boshlaganiga ancha bo'ldi. Tachmurod SHamakovich esa yaqinda "Qizilqum"ni qabul qilib olgani bois jamoa o'z o'yinini topib ketishi uchun baribir vaqt kerak bo'ladi. "Qizilqum"ning bugungi qarama-qarshilikda ustun jihati o'z maydonida to'p tepishi deya olamiz.

P/S. Soat 20:00da boshlanadigan o'yinni "Mahalla" telekanali orqali to'g'ridan to'g'ri kuzatib boring.

Qizilqum

Superliga. 4-tur

13/06/2020, 20:00

Tugadi

OKMK

Elguzha Grigalashvili - 66'

45'

90'