Bugun futbol. "Neftchi" - "Dinamo"

18:00 - Neftchi (Farg'ona) – Dinamo (Samarqand)
Hakamlar: V. Kovalenko (Toshkent), A. Snetkov (Toshkent vil.), A. Kalinin (Qarshi), D. Muxtorov (Toshkent).
Nazoratchi: A. Hotamov (Toshkent).
O'zPFL vakili: B. Haydarov.

Turnir jadvalidagi o'rni: "Neftchi" 10 ochko bilan 15-o'rinni egallab turibdi. "Dinamo" esa 15 ochko bilan 9-o'rinda bormoqda.

O'yindan nima kutyapmiz? O'z maydonida to'p tepadigan "Neftchi" bugungi yangi bosh murabbiy - Vadim Abramov qo'l ostida o'zining ilk uchrashuvini o'tkazadi. Abramov o'z debyutini bugun g'alaba bilan boshlashga urinib ko'radi. Imkoniyatlar borasida "Neftchi" ustun, ammo "Dinamo" ham qarab turmasa kerak. CHunki bu jamoaga ham g'alaba juda zarur.

Fakt: Bu o'yin "Neftchi" uchun uydagi oltinchi bellashuv bo'ladi. Jamoa avvalgi beshta bahsning faqat bittasida g'olib chiqqan. "Neftchi" o'z maydonida "Obod"dan ustun kelgan.

Bilasizmi? "Neftchi" shu paytgacha faqat ikki marta g'alabaga erishgan. Farg'onaliklar uyda "Obod", safarda "So'g'diyona"ni mag'lub etishgan. Qizig'i shundaki, "Neftchi"ning har ikkala g'alabali o'yinida 1:0 hisobi qayd etilgan.

Bilasizmi? "Neftchi" oxirgi ikki o'yinni safarda o'tkazib, bir durang va bir mag'lubiyat qayd etdi.

Fakt: Hozirgacha safarda oltita o'yinda maydonga tushgan "Dinamo" shundan ikkitasida olti ochko bilan qaytgan. Samarqandliklar safarda "Metallurg" va "Paxtakor"dan ustun kelishgan. "Dinamo" safarda 7 ochkoni qo'lga kiritgan va bu borada ular "Nasaf", "Paxtakor" va "Bunyodkor"dan yaxshi ko'rsatkichga ega.

Bilasizmi? "Dinamo" oxirgi oltita o'yinda g'alaba qozona olmadi: uch durang, uch mag'lubiyat.