Bugun futbol. "Bunyodkor" - "Qo'qon-1912"

"Bunyodkor" o'z maydonida "Qo'qon-1912"ni qabul qiladi. Turnir jadvalida har ikki jamoa 6 ochkodan to'plagan holda deyarli yonma-yon o'rinlarda boryapti. Qizig'i shundaki, shu paytgacha "Bunyodkor" ham, "Qo'qon-1912" ham ikkitadan g'alaba qozonib, bir martadan mag'lubiyatga uchragan.

"Bunyodkor" mavsumni ketma-ket ikkita g'alaba bilan boshladi. Vadim Abramov shogirdlari dastlab safarda "Surxon"ni 3:1 hisobida mag'lub etib qaytishdi, so'ngra uyda "Mashal" 1:0 hisobida mag'lub etildi. Va oxirgi turda jamoa Olmaliqqa safar qilib AGMKga 0:2 hisobida yutqazib qo'ydi.

Yil boshida Baxtiyor Ashurmatov qabul qilib olgan "Qo'qon-1912" Superligani o'z maydonida boshlab "Buxoro" ustidan yirik 3:0 hisobida zafar quchdi. Keyingi turda "Metallurg" mehmoni bo'lgan qo'qonliklar 0:1 hisobida mag'lubiyatga uchrab qaytishdi va o'tgan tur yana o'z uylarida g'alabani nishonlashdi. Bu safar "Qo'qon-1912" "So'g'diyona"dan 2:1 hisobida ustun keldi. 

Bugungi o'yin oldindan imkoniyatlarni qanday baholash mumkin? Albatta, "Bunyodkor" mezbon, lekin karantindan keyin ko'pchilik barcha jamoalarning holati bir xil ekanligi haqida gapirmoqda. SHundan kelib chiqib imkoniyatlarni 50/50 desa bo'ladi. Fakt shuki, Ashurmatov Qo'qonda kurashdan qaytmaydigan jamoani shakllantirishga harakat qilyapti. Abramovda esa tajriba katta va futbolchilarni muhim bahslarga tayyorlashni biladi.

P/S. Soat 19:00da boshlanadigan o'yinni "Sport" telekanali orqali to'g'ridan to'g'ri kuzatishingiz mumkin.

Bunyodkor

Superliga. 4-tur 13/06/2020, 19:00 0 : 1 Tugadi

Qo’qon-1912 Boburjon Akbarov - 86'

45'

90'

59'  Selim Nurmuradov (Shahboz Erkinov)

59'  Humoyun Murtozaev (Farrux Ikromov)

90'  ZHasur ZHaloliddinov (Abdulla Abdullaev)

36'  Avazxon Mamatxo’jaev

60'  Shohnazar Norbekov

69'  Filip Rayevac (YAkuba Bamba)

85'  Ivan Yosovich

86'  Boburjon Akbarov

90'  Shohnazar Norbekov (Otabek Haydarov)

90'  Avazxon Mamatxo’jaev (Hamidullo Abduhamidov)

Match-senterda ochish