Bugun Andijonda katta futbol!
31 avg 2018 11:17
Yangiliklar
Bugun Andijonda katta futbol!
Malumki, mamlakatimizda muxtaram prezidentimiz tashabbusi bilan millionlar o'yini bo'lmish futbolga bo'lgan etibor yanada ortdi. Xususan, Andijon viloyati xokimi SHuhratbek Abdurahmonov viloyatda futbolga katta etibor qaratmoqda.
SHaxsan SHuhratbek Qo'shaqbaevichning tashabbusi bilan Andijon vidloyatida ilk bor o'z mahalla o'ramida yashovchi 18 yoshdan 30 yoshgacha bo'lgan uyushmagan yoshlar o'rtasida futbol bo'yicha «Viloyat xokimi Kubogi» musobaqasi o'tkazilmoqda. Musobaqaning shahar va tuman bosqichlari yakuniga etdi. Endigi navbat final uchrashuviga. Unda Andijon shahrining “Bunyodkor” va Andijon tumanining “Joxonobod” mahalla jamoalari o'zaro g'oliblik uchun kurash olib boradi.
SHiddatga boy va jangavor ruhda kechishi kutilayotgan final uchrashuvi oldidan “Sog'lom avlod” stadionida soat 18:00dan boshlab, koncert dasturi start oladi. Unda viloyatimizning bir qator taniqli xonandalari o'zining diltortar qo'shiqlari bilan stadionga tashrif buyurganlarga xush kayfiyat ulashadi. Stadionga kirish bepul. Musobaqa ishtirokchilari ko'plab qimmatbaho va estalik sovg'alar bilan taqdirlanadi.
Aytgancha final uchrashuvini Superliga hakamlari: Temur To'xtasinov, Anvar Marajabov, Ziyodullo Abdurahmonov boshqarib boradigan bo'ldi.
SHuningdek mazkur final uchrashuviga Andijon viloyati hokimi SH.Abdurahmonovning shaxsan o'zi tashrif buyurib, sovrindorlarni taqdirlaydi.
SHunday ekan futbol ishqibozlarini final uchrashuviga chorlaymiz!
Fikrlar