Bugun 13:00. O'zbekiston U-23 - Ummon U-23
15 jan 2018 08:20
Yangiliklar

Bugun 13:00. O'zbekiston U-23 - Ummon U-23

Bugun Xitoyda U-23 Osiyo chempionatining 3-tur bahslari start oladi.

Bugun "A" guruhida ikkita uchrashuv bo'lib o'tadi. Toshkent vaqti bilan soat 13:00da Ravshan Haydarov boshchiligidagi O'zbekiston U-23 terma jamoasi Ummon U-23 bilan kuch sinashadi. Uchrashuv SPORT telekanali orqali jonli ravishda namoyish etiladi.

Bu o'yin bilan parallel ravishda Xitoy va Qatar o'rtasidagi bahs ham bo'lib o'tadi.

Ayni paytda Qatar hisobida 6 ochko bor. O'zbekiston va Xitoyda esa 3tadan ochko mavjud. Ummon dastlabki ikki turda ochko ololmadi.

Ravshan Haydarov boshchiligigidagi jamoa keyingi bosqichga chiqish uchun Ummonni mag'lub etishi va narigi bahsda Xitoy Qatarni yuta olmasligi lozim. Agar Qatar Xitoyni mag'lub etsa O'zbekistonga bugun xatto durang ham etarli bo'ladi. Bordiyu Xitoy Qatarni mag'lub etsa, O'zbekiston ham g'alaba qozonsa, u holda barchasini mana shu uch jamoa o'rtasidagi o'yinlarda urilgan gollar hal qiladi.