Bu dahshat! APL hakami giyohvand bo'lishi mumkin

42 yoshli mahalliy hakam Angliya Liga Kubogi doirasida "Tottenxem" - "Manchester Siti" (2:1) bahsida zaxira hakami sifatida ishlagan.

"The Sun" xabariga ko'ra, 31 oktyabr kuni soat 19:38da, yani, bahsi startiga 37 daqiqa qolganida Travelodge tizimi orqali mehmonxona buyurtma qilgan va 20:04da, yani, bahsi startiga 11 daqiqa qolganida bu haqda do'stiga malum qilgan. Bahs tanaffusida esa: "Tayyorlanyapsan degan umiddaman", deb xabar yozgan.

O'yinni televizor orqali tomosha qilib borgan hakamning do'sti esa shunday deydi: "O'yin kunida u menga juda ko'p marta bahs yakunlanganidan keyin bazm o'tkazishni istayotganini yozdi. O'yin boshlanishiga 11 daqiqa qolganida bildirishnomani menga ham jo'natdi. Tanaffusda ham buni yozgani men uchun kutilmagan holat bo'ldi. U o'yinga emas, etiborini giyohvand modda bazmiga qaratgandi. U bilan ko'rishgim kelmadi va bormasligimni aytib qo'ydim. U bundan g'azab otiga mindi va mehmonxona broni kompensaciyasi uchun 74 funt to'lashim kerakligini talab qildi".

Qayd etish kerak, Kut 27 oktyabr kuni "Vest Xem" - "Manchester Yunayted" o'yinida ham ishlagan va so'nggi daqiqada mankunianliklar darvozasiga penalti belgilagandi. Bu esa keyinchalik rasmiy ravishda xato bo'lganligi tan olindi.