Brunu Fernandesh: "Hakamlar ham intervyu berishlari kerak. Oliverning bizdan uzr so'rashini kutgandim"

"Biz o'z imkoniyatlarimizdan foydalana olmadik, eng avvalo men foydalanmadim. Men hisobni ochishim mumkin edim, biroq zarbam noaniq ketdi. Gollar urish, raqib darvozasi yonida doimo effektiv bo'lish kerak. "Vulverxempton"ga qarshi o'tgan o'yinda biz ko'p gol urmadik, chunki vaziyatlarimiz ham ko'p bo'lmagandi. Bazida ko'p narsa sening qancha vaziyatga ega bo'layotganingda emas, balki uning qanchasidan foydalanishingga bog'liq bo'lib qoladi.

Penalti? Savolni hakamning o'ziga bering. Ular ham intervyu berishlari va barcha vaziyatlarni tushuntirishlari kerak.

Bu penalti edi. Uni barcha ko'rdi, bahona qilish kerak emas. O'tgan turda "Yunayted" darvozasiga penalti belgilanishi kerak edi deb ovoza ko'tarishdi. O'shanda ham kutdim, ular nima der ekan deb. "Vulverxempton" murabbiylarining aytishiga ko'ra, Jonatan Moss kiyim almashtirish xonasiga kirib, futbolchi va murabbiylardan belgilanmagan penalti uchun uzr so'ragan. Men ham Oliverdan shuni kutgandim", - dedi Brunu Fernandesh.