Boshqarma xodimlari musobaqa g'olibi

Mamlakatimizda O'zbekiston Respublikasi Prezidentining “Jismoniy tarbiya va ommaviy sportni yanada rivojlantirish chora-tadbirlari to'g'risida”gi qarori hamda O'zbekiston Respublikasi Prezidenti SH.Mirziyoev rahbarligida 2019 yilning 4 sentyabrida o'tkazilgan videoselektor majlisi bayonida belgilangan vazifalar ijrosini taminlash maqsadida tegishli ishlar amalga oshirilmoqda.

Bu borada Xorazm viloyatida ham etiborga molik tadbirlar uyushtirilyapti. Jumladan, Urganch shahridagi “Yoshlik” sport majmuasida uyushtirilgan mini futbol bo'yicha “Xorazm viloyati jismoniy tarbiya va sport boshqarmasi Kubogi-2019” musobaqasi o'ziga xosligi bilan muhim ahamiyat kasb etdi. Unda viloyat jismoniy tarbiya va sport boshqarmasi apparati, boshqarmaning shahar va tumanlardagi bo'limlari, sport maktablari hamda maktab-internatlarining rahbar xodimlari va metodistlardan tashkil topgan 14 ta terma jamoa olimpiya tizimida kuch sinashdi.

Final uchrashuvida 4 ta BO'SM-Sport o'yinlari va engil atletikaga ixtisoslashtirilgan, Yakkama-yakka kurash sport turlariga ixtisoslashtirilgan, Suv sporti turlariga ixtisoslashtirilgan va Gimnastika sport turlariga ixtisoslashtirilgan sport maktablari xodimlaridan tashkil topgan “Yoshlik” sport majmuasi jamoasi va Xorazm viloyati jismoniy tarbiya va sport boshqarmasi apparati jamoasi o'zaro kuch sinashdi. Qiziqarli va keskin kechgan bellashuvning asosiy vaqtida g'olibni aniqlashni imkoni bo'lmadi, 4:4. Penaltidan to'p tepish mashqini bajarishda Boshqarma apparati mini futbolchilari omadli chiqishdi-3:2. Natijada, ular ilk bor o'tkazilgan musobaqa g'olibi bo'lishdi. “Yoshlik” vakillari ikkinchi o'rinni egalladi. Faxrli uchinchi o'rindan Urganch tumani terma jamoasi joy oldi.

Musobaqa natijalari
Nimchorak final. Xonqa tumani-Bog'ot tumani-4:6, Xiva shahri-SHovot tumani-1:5, Gurlan tumani-Xiva tumani-5:1, Urganch shahri-Hazorasp tumani-2:3, Boshqarma apparati-Yangiariq tumani-4:0, Yangibozor tumani-Urganch tumani-0:6.

CHorak final.“Yoshlik” sport majmuasi-Bog'ot tumani-7:2, SHovot tumani-Gurlan tumani-5:2, Hazorasp tumani-Boshqarma apparati-0:4, Urganch tumani-Qo'shko'pir tumani-0:0(pen. 3:2).

Yarim final.“Yoshlik” sport majmuasi-SHovot tumani-5:4, Boshqarma apparati-Urganch tumani-6:3.

3-o'rin uchun.SHovot tumani-Urganch tumani-2:4.

Final.“Yoshlik” sport majmuasi-Boshqarma apparati-4:4(pen. 2:3).

G'olib jamoa quyidagi tarkibda ishtirok etdi: SHokir Madaminov (jamoa sardori, boshqarma boshlig'i), Jonibek Meyliev (boshliq o'rinbosari), Oybek Kamalov (bosh mutaxassis), Sarvar Qalandarov (bosh mutaxassis), Abbos Karimov (bosh mutaxassis), Obodjon Abdullaev (bosh mutaxassis), Samandar Xo'janiyazov (bosh mutaxassis), Jasur Atadjanov (bosh mutaxassis), Sanjar Vaisov (etakchi mutaxassis).

Ikrom XUDOYBERGANOV Urganch shahridan.