Boshkovich: "G'alaba qozondik, ammo ko'rsatgan o'yinimizdan xafaman"
26 apr 19:05
Yangiliklar

Boshkovich: "G'alaba qozondik, ammo ko'rsatgan o'yinimizdan xafaman"

Teglar : So'g'diyona "So'g'diyona"Matbuot anjumani Ivan Boshkovich

"So'g'diyona" bosh murabbiyi Ivan Boshkovich O'zbekiston kubogi 3-turi "Paxtakor"ga qarshi kechgan uchrashuvdan so'ng (2:3) matbuot anjumanida ishtirok etdi.

- O'yin haqida

- Bu uchrashuvga juda puxta tayyorgarlik ko'rgandik. Amaldagi chempionga qarshi o'ynash oson emasligini bilardik. Bunday o'yinlarni katta xohish bo'lishi kerak. Menimcha bugungi o'yinga tuzgan rejamiz ish berdi va 3ta gol urdik. Qizil kartochkadan so'ng ruhiy tomonlama sustlashib qoldik. CHetlatishdan keyin namoyish etgan o'yinimiz menga yoqmadi. Keyingi bosqichga chiqish masalasini hal qildik. Ikkinchi bo'limdan biroz xafa bo'ldim. Bunday o'yinlarda yaxshiroq o'ynashimiz kerak. Takidlab o'tish kerakki, "Paxtakor"da yoqotishlar juda ko'p. Ular yosh futbolchilar bilan o'ynashga majbur. Bugungi g'alaba bilan futbolchilarni tabriklamayman, sababi bunday o'yin menga yoqmadi.

- Jamoangiz namoyish etayotgan o'yinning, aynan nimasidan ko'nglingiz to'lmayapti?

- Men istayotgan sifatni ko'rsata olmayapmiz. Bunday o'yin namoyish etish bizning darajamizga to'g'ri kelmaydi. Dastlabki 30-daqiqa qanday o'ynay olishimizni ko'rsatib qo'ydik. Keyin esa o'yin tushib ketdi. Bunday g'alabalardan hech qachon rozi bo'lmayman.

- Bugun yosh futbolchilarga ishonch bildirdingiz. Muhim uchrashuvda yoshlarga ishonish xavfli emasmi?

- Mening principim shu. Futbolchining yoshi menga ahamiyatsiz. Kim mashg'ulotlarda o'zini yaxshi ko'rsatsa o'ynashga imkoniyat beraman. Men murabbiy bo'lgan jamoalarda har doim shunday bo'ladi.