Bolalar sporti. Qarshida “Futbolimiz kelajagi” turniri boshlanmoqda

Bugungi kunda yurtimizda sportning barcha turlari qatori millionlar o'yini sifatida etirof etiladigan futbol jadal suratlarda rivojlanmoqda .

Qarshi shaxridagi “Binokor” bolalar sport klubi majmuasida 6-7-8 avgust kunlari turli yoshdagi mahalla yoshlari o'rtasida “Futbolimiz kelajagi” futbol turnirini viloyat bosqichi bo'lib o'tadi.

Bunda futbol maktablari, klub va jamoalar moddiy-texnik bazasini yanada mustahkamlash, jamoalar tarkibini iqtidorli, kelajagi porloq yosh o'yinchilar bilan to'ldirishga katta etibor qaratilayotgani qo'l kelyapti, albatta.

Hududlarda, ayniqsa, respublikamizning olis qishloq va ovullarida yashab, yashil maydonlarda to'p surayotgan, qalbida katta futbolga mehri baland maxalla yoshlarini aniqlash, ularni yangi marralar sari rag'batlantirishda Futbolimiz kelajagi ananaviy respublika turniri tajriba maktabi vazifasini bajarib kelmoqda

- Ananaviy tarzda o'tkazib kelinayotgan Futbolimiz kelajagi respublika turniri mahallalarda ulg'ayotgan yoshlarni sportga ishtiyoqini oshirishga, ularning epchil, chaqqon va baquvvat bo'lib ulg'ayishiga xizmat qilayotir, - deydi Viloyat Futbol Federaciyasi musobaqalar o'tkazish bo'limi bosh mutaxasissi Asror Xadjaev- Bu yilgi musobaqada mahallalardan saralab olingan jamoalar ishtirok etadi. Uch toifadagi yoshlar o'rtasida o'tkaziladigan bellashuvlarda 9-10, 11-12 hamda 13-14 yoshli o'g'il bolalar jamoalari maydonda to'p surib, g'oliblik uchun bellashadi.

Turnirda birinchi o'rinni olgan jamoalar Respublika bosqichida ishtirok etadi va musobaqa tashkilotchilari tomonidan rag'batlantiriladi.

Faxriddin CHORIEV.