Boka Xuniors va River Pleyt. Ular nima uchun bir-birini yomon ko'radi?

Ko'pchilik ushbu ikki klub bir-biri bilan azaldan raqib ekanini biladi. Biz finaldan oldin buning sabablari haqida malumot berishga  qaror qildik.

Argentina Superligasida o'ynayotgan 26ta klubning 12tasi poytaxt, Buenos-Ayresda joylashgan. Ammo hech qaysi bahs «Boka Xuniors» va «River Pleyt» o'rtasidagi o'yinga teng kelmaydi.

«Superklasiko» deb nomlanuvchi o'yinga teng keladigan bahsni butun dunyoda topish ham amri mahol, ammo «Boka» va «River» nima uchun bir-birini bunchalik yomon ko'radi? Bu jamoalar o'rtasidagi raqobat taxminan 100 yil oldin boshlangan.

Hozirda bu klublar kattagina shaharda qo'shni emas, ammo bu jamoalar shaharning bitta tumanida, «La Boka» portida asos solingan. Bu erda asosan ishchilar istiqomat qilishardi.

«River» 1901 yilda «La Rosales» va «Santa Rosa» klublari qo'shilishidan paydo bo'lgan, «Boka» esa to'rt yildan so'ng tashkil etilgan.

«Boka Xuniors» 1908

Ular bir necha bor o'rtoqlik uchrashuvlari o'tkazishgan, ilk rasmiy o'yin 1913 yilning 14 avgust sanasida bo'lib o'tgan. «Boka» dastlab Avelyanedadagi «Rasing» stadionida o'ynardi, ammo uchrashuvda «River» g'alaba qozongan - 2:1.

Bu jamoalar o'rtasidagi raqobat 1931 yilda avj olgan. «Boka» yangi davrning ilk chempioni bo'lgan, «River» esa «Sportivo»dan Karlos Peuselyani 10 000 peso evaziga sotib olgan, shu tariqa «millionerlar» («Los Millonarios») degan laqabni olgan. «River» yangi stadion, «El Monumental»ga ko'chib o'tgan. Ushbu stadion shaharning anchagina rivojlangan dahasi Belgranoda joylashgandi.

«River» yuqori tabaqa, «Boka» esa ishchilar tabaqasi jamoasiga aylanib qolgandi. Argentinadagi moliyaviy inqirozdan so'ng, bu ikki klub o'rtasidagi munosabat juda ham keskinlashib ketdi.

«River Pleyt» 1908

Zamonaviy futbol bu klublardan brendlar paydo qildi. Muxlislar raqibini o'lgudek yomon ko'radi. «Boka» va «River» Argentinada taxt uchun kurashishdan hech qachon charchashmaydi.

Qizig'i 2013 yilda hukumat ushbu klub fanatlariga safardagi o'yinlarga borishni taqiqlab qo'ydi. Yani «Boka» muxlislari «River» stadioniga borishmaydi va aksincha.

Argentina prezidenti Mauricio Makri bu narsani Libertadores kubogi finalida bekor qilishni taklif qilgan bo'lsa ham klublar mehmon jamoa muxlislarini stadionga kiritmaslikka qaror qilishdi.

Ammo bu ikki qismdan iborat bo'lgan spektaklga hech qanday tasir o'tkazmaydi. Birinchi qism, bugun tunda «La Bombonera» stadionida bo'lib o'tadi. Uchrashuv Toshkent vaqti bilan soat 01:00da boshlanadi.

Bu esa navbatdagi tarixning yozilishi bo'ladi.

«Men juda ko'p futbolni ko'rganman, ammo Superklasikodagi voqealarni so'z bilan tariflab berish mumkin emas. Bu o'zga olam, har bir inson buni hayoti davomida bir marta bo'lsa ham his qilib ko'rishi kerak. Aks holda hech qachon bu ajoyib o'yin qanday hissiyotlar taqdim etishi mumkinligini bila olmaysiz», - degandi «Boka Xuniors» safida o'ynagan afsonaviy Diego Armando Maradona.

Boca Juniors Ramon Abila - 34', Dario Benedetto - 45'

Copa Libertadores Final Stage . final-tur 12/11/2018, 00:00 2 : 2 Tugadi

River Plate Lucas Pratto - 36', Carlos Roberto Izquierdoz - 61'

45'

90'

27'  Cristian Pavon (Dario Benedetto)

34'  Ramon Abila

37'  Leonardo Jara

43'  Sebastian Villa

45'  Dario Benedetto

48'  Ramon Abila

73'  Sebastian Villa (Carlos Tevez)

83'  Leonardo Jara (Julio Alberto Buffarini)

90'  Carlos Tevez

36'  Lucas Pratto

58'  Lucas Martinez Quarta (Ignacio Fernandez)

61'  Carlos Roberto Izquierdoz

67'  Milton Casco

75'  Rafael Santos Borre

75'  Enzo Perez (Bruno Zuculini)

77'  Gonzalo Martinez (Juan Quintero)

Match-senterda ochish