Boateng "Milan"ni aldaganini tan oldi

Ha, bu kichik yolg'onlar evaziga amalga oshdi. O'shanda Kevin-Prinsning tatil vaqti edi. Bir kuni kechqurun agenti telefon qilib, unga "Milan"dan qiziqish borligini aytdi. Biroq Boateng hech nimaga etibor bermasdan, bazm-u ziyofatga ravona bo'ldi. Ertala soat sakkizlarda agent yana qo'ng'iroq qildi. "Mashinaga o'tir, Milanda ko'rishishimiz kerak. Mashg'ulot qilib turibsanmi?" - "Ha, albatta" - "Gap yo'q, ularga men seni haqiqiy mahluq deb aytdim".

"Bu yolg'on edi. Albatta, men mashg'ulotlar qilmadim. Tatilning zavqini his qilayotgandim. Uning qo'ng'irog'ini o'chirdim va chuqur nafas oldim: Oh my God"...

Biroq barchasi yaxshi o'tdi. Boateng "Milan"da o'zining shkafiga ega bo'ldi. Bungacha uning joyida Devid Bekxem buyumlarini saqlardi. Uning yonida Zeedorf, Pirlo, Ambrozini, Gattuzo, Ronaldino, Ibragimovich, Tiago Silva. Ilk kunlaridanoq unda katta hissiyotlar paydo bo'ldi: "Bu shunchaki orzu. Orzu qilganimdan ham zo'r".