Birinchi liga. Ko'pchilikni hayratlantirgan “Zomin” haqida

O'tgan yili hattoki ikkinchi bosqichga ham chiqa olmagan jamoa aftidan yo'l qo'yilgan xatolardan kerakli xulosalarni chiqarib olgan ko'rinadi. Spartak Murtazoev jamoasining hozircha birorta ham o'yinini ko'rmadik. Lekin natijalar shuni ko'rsatyaptiki, jamoa qisqa vaqt ichida raqiblariga jiddiy tashvish tug'dira olmoqda. Bejizga “Zomin” birinchi bosqichda “G'arb” mintaqasida 2-o'rinni band etmagan. Jamoa o'tkazilgan 22ta o'yindan 13tasini o'z foydasiga hal etib, 4ta bahsda durang qayd etgan. Qolgan 5 uchrashuvda esa raqibiga imkoniyatni boy bergan. Jami 43 ochko bilan “Zomin” keyingi bosqich yo'llanmasini qo'lga kiritdi.

Jamoa tarkibiga nazar tashlaydigan bo'lsangiz, asosan yoshlar ekanligini ko'rish mumkin. Aytgancha bu jamoadan Sirojiddin Allaev degan o'yinchi yaqinda SHuhrat Maqsudov boshchiligidagi olimpiya terma jamoasi yig'iniga taklif etildi.

“Zomin” ortda qolgan birinchi bosqichda o'z hisobiga 36ta gol yozdirib qo'ydi. SHundan 30tasini jamoa o'zi urgan bo'lsa, qolgan 6ta to'p texnik g'alabalar natijasiga ko'ra qo'lga kiritilgan. Jamoa safida eng ko'p to'p kiritgan futbolchi Doston Nurullaev bo'ldi, 7ta. Darvoqe, o'tgan yili ham “Zomin”da Doston ismli futbolchi to'purarlik mahoratini namoyish etgandi. Biroq Doston Toshmatov bu yil negadir ko'rinish bermayapti. Balki familiyasini o'zgartirganmikin, kim biladi deysiz?

CHalg'imaymiz, zominliklar o'tkazilgan 22ta o'yinda o'z darvozasidan 14ta gol o'tkazib yuborgan.  

Kim qancha gol urdi?

Futbolchi	Gol	pen.
Doston Nurullaev	7
Doniyor Ismoilov	6	(2)
Umid Ernazarov	4	(1)
Bekzod Raximov	2
SHoxrux Kurbonov	2
SHukrullo Jonikulov	2
Umid Abdullaev	2	(2)
Akmal Ergashev	1
Jalol Maripov	1
Nurbek Nuritdinov	1
Sirojiddin Allaev	1
Eldor Karimov	1

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz. 

O'yinlar	20
Gollar	30
Uyda	20 (66,67%)
Safarda	10 (33,33%)
O'tkazib yuborilgan gollar	14
Uyda	4 (28,57%)
Safarda	10 (71,43%)
O'rtacha urilgan gollar	1,5
O'rtacha o'tkazib yuborilgan gollar	0,7
Uydagi ochkolar	24/27 (88,89 %)
Safardagi to'plangan ochkolar	15/33 (45,45 %)
Eng yirik g'alaba	4:0 – “Mashal-2”, “SHerdor”
Eng yirik mag'lubiyat	0:5 - SHurtan
Gol o'tkazmagan o'yinlar	10 (50%)
Gol ura olmagan o'yinlar	6 (30%)
Irodali g'alaba	1
Irodali durang	2
Irodasiz mag'lubiyat	0
Irodasiz durang	0
Yirik g'alaba	4
Yirik mag'lubiyat	1
Avtogol (urilgan/o'tkazib yuborilgan)	0/0
Ogohlantirish (o'rtacha)	48 (2,4)
CHetlatish (o'rtacha) – To'g'ridan-to'g'ri/2SK	3 (0,15) - 1/2
Muxlislar (jami/o'rtacha)	46371/2319

Islombek RUSTAMBEKOV tayyorladi.