Birinchi liga. "Dinamo" mavsumni yirik g'alaba bilan yakunladi

Mavsumning so'nggi o'yinida ham dastlabki daqiqalardan hujumkor o'yin namoyish etgan Ilhom SHaripov shogirdlari o'yinning 12-daqiqasiga kelib hisobni ochishdi. Yarimhimoyachi Iskandar Xolmirzaevning zarbasidan so'ng to'p raqib darvozasidan joy oldi, 0:1.

Goldan ruhlangan mehmonlar ko'p o'tmay oradagi farqni ikkitaga etkazishdi. O'ng qanotdagi hujumkorligi bilan ajralib turgan yarimhimoyachi Jonibek Ko'chimov 18-daqiqada hisobni 0:2 ga etkazdi.

Ikkinchi bo'limda ham vakillarimiz o'yin tizginini o'z qo'llarida saqlab, natijani yirik ko'rinishga olib kelishdi. 73-daqiqada Xotira-79 darvozasi tomon belgilangan 11 metrlik jarima zarbasidan Omadjon Tayloqov unumli foydalandi, 0:3.

Mavsumdagi so'nggi bahsda ham yirik natijali g'alabaga erishgan Dinamochilar jami 32 o'yinda 86 ta gol kiritib, 26 g'alaba bilan 82 ochko jamg'argan holda Birinchi Liga-2016 mavsumini g'olib sifatida yakunlashdi. Ushbu natija bilan Dinamo muxlislarini yana bir karra tabriklab qolamiz.

Birinchi Liga. 24-turning qoldirilgan uchrashuvi.

12 noyabr (shanba)

XOTIRA-79 - DINAMO - 0:3 (0:2)

Gollar: Iskandar Xolmirzaev 12, Jonibek Ko'chimov 18, Omadjon Tayloqov 73 penaltidan.

Dinamo: Mixail Naumov (Rustam Toshturdiev), Aleksey Nikolaev (Laziz Nuridinov), Bunyod Isroilov, Firdavs Abdusalimov, Ubaydullo Nabiev, Iskandar Xolmirzaev (Komil SHarofutdinov), Omadjon Tayloqov, Jasur Azimov (Islom SHaripov), Jonibek Ko'chimov, Viktor Klishin, Alisher Xoliqov (Hakimxon Alamxonov).