Birinchi liga. Birinchi bosqichda yaqqol peshqadamlik qilgan “SHo'rtan” haqida

Mavsumning birinchi qismida yakka peshqadamlik qilgan G'uzorning “SHo'rtan” jamoasi biror marta ham mag'lubiyatga uchramasdan, barchani hayratlantirdi. Bu bilan Muxtor Qurbonov boshqaruvidagi jamoa haqiqatdan ham ligadagi raqiblaridan bir bosh ustunligini namoyon etdi. O'z oldiga kuchlilar safiga chiqishni maqsad qilib qo'ygach, nisbatan tajribali futbolchilarni o'z tarkibiga jamlagan g'uzorliklarning birinchi bosqichdagi yirik g'alabalari soni ham ko'p bo'ldi. Boshqacha aytganda “SHo'rtan” raqiblari darvozasiga xohlaganicha to'p kiritdi.



Birinchi bosqich o'yinlarida hujumchi Viktor Klishin o'zini ko'rsatdi. 32 yoshli futbolchi oldingi chiziqda o'ziga bildirilgan ishonchni to'la oqladi va sermahsulligi bilan ajralib turdi. Klishin ortda qolgan birinchi bosqichda o'z hisobiga 28ta gol yozdirib qo'ydi.



SHuningdek darvozabon Eldor Tojiboevga ham alohida to'xtalib o'tmasa bo'lmaydi. Boisi butun yarim mavsum davomida g'uzorliklar darvozasini qo'riqlagan posbon o'z ishini yaxshi bajardi. “SHo'rtan”ning 22ta o'yinda atiga 9ta gol o'tkazib yuborgani ham natijalar qanday bo'lganini ko'rsatib turibdi. Albatta Tojiboevning ham hissasi katta bo'ldi deyish mumkin.

Ko'ramiz, ikkinchi bosqichda ham bu jamoa etakchilik qila olarmikin?

Kim qancha gol urdi?

Futbolchi	Gol	pen.
Viktor Klishin	28	(2)
Aleksandr Vostrikov	12
Jamshid Hoshimov	5
Islom Karimov	4
SHavkat Nasibullaev	4
Qahramon Muxammadjonov	3
Umarbek Eshmurodov	3
SHahzod Xursanov	3
Elyor Intizomov	3
G'ulomhaydar G'ulomov	2
Maqsud Mahmudov	2
Olim Karimov	2
Arayk Boboev	1
Botir Qodirqulov	1
Islom Karimov	1
Husniddin G'ofurov	1
Zohid Raupov	1	(1)

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz. 

O'yin	22
Umumiy gollar	77
Uyda	53 (68,83%)
Safarda	24 (31,17%)
O'tkazib yuborilgan gollar	9
Uyda	3 (33,33%)
Safarda	6 (66,67%)
Har bir o'yinda o'rtacha urilgan gollar	3,5
O'rtacha o'tkazib yuborilgan gollar	0,41
Uyda to'plangan ochkolar	31/33 (93,94 %)
Safarda to'plangan ochkolar	31/33 (93,94 %)
Eng yirik g'alabasi	9:0 – “G'allakor-Avtomobilchi”
Eng yirik mag'lubiyati	Mag'lubiyat bo'lmagan
Gol o'tkazib yubormagan o'yinlar	13 (59,09%)
Gol ura olmagan gollar	0 (0%)
Irodali g'alaba	0
Irodali durang	2
Irodasiz mag'lubiyat	0
Irodasiz durang	0
Yirik g'alabalar	12
Yirik mag'lubiyat	0
Avtogol (urgan/o'tkazib yuborgan)	1/0
Ogohlantirish (o'rtacha)	28 (1,27)
CHetlatish (ikkinchi sariq) – To'g'ridan to'g'ri/2JK	1 (0,05) - 1/0
Muxlislar tashrifi(jami/o'rtacha)	38832/1765

Islombek Rustambekov tayyorladi.