Bilasizmi? Hozirgi “Neftchi”da 11 nafar murabbiy ishlayapti

O'z vaqtida Yuriy Sarkisyan bu jamoani boshqarganida hammaning etibori qaratilardi. Endi bo'lsa “Neftchi” o'zining yana bir jihati bilan odamlar etiborini tortishga harakat qilyapti. Nazarimizda, bu jamoa ishlayotgan murabbiylari soni bo'yicha oliy ligada rekordchi hisoblanadi.

Hisoblab ko'rsak, hozirgi “Neftchi”da 11 nafar murabbiy (!) ishlayotgan ekan. Jamoani Sarkisyan boshqargan paytlari u kishiga aka-uka Do'rmonovlar, shuningdek Sergey Lebedev yordam berardi. Jamoada hatto jismoniy tayyorgarlik bo'yicha murabbiy bilan darvozabonlar murabbiyi ham yo'q edi. SHunga qaramay, “Neftchi” doim sovrinli o'rinlar uchun bahs olib borardi.

Hozir esa jamoa o'rtamiyonalar safida yuribdi, buning ustiga hali-beri sovrin uchun kurashmasa kerak. Lekin “Neftchi” o'rinbosarlari birinchi davrani birinchi o'rinda tugatishdi. Qizig'i shundaki, aksar o'rinbosarlar jamoalarida ko'pi bilan ikki murabbiy ishlayotgan bir paytda “Neftchi” yoshlarida beshta murabbiy ishlamoqda. SHunda asosiy tarkibda olti nafar murabbiyning faoliyat olib borayotgani iydinlashadi. 11ta murabbiy bu futboldagi bitta tarkib deganidir. Qoyil, lekin!   

ASOSIY TARKIB
Murod Ismoilov – bosh murabbiy
Aleksey Evstafeev – katta murabbiy
Sergey Lebedev – yordamchi murabbiy
Andrey Fyodorov - yordamchi murabbiy
Vyacheslav Tomilin – darvozabonlar murabbiyi
SHerzod Rayimjonov – yordamchi murabbiy

O'RINBOSARLAR TARKIBI
Sergey Kovshov – katta murabbiy
Valeriy Sedunov - yordamchi murabbiy
Bahrom Haydarov - yordamchi murabbiy
Diyor Alijonov - yordamchi murabbiy
Xislat CHilmatov –darvozabonlar murabbiyi

Izoh: Ro'yxatdan kimdir tushib qolgan bo'lsa uzr so'raymiz.

X.Xoliqov.