"Beshariq" finalga chiqdi

Kecha yarim final uchrashuvlari bo'lib o'tdi. Avvaliga “FarDU terma jamoasi” va “Neftchi-2” jamoalari maydonga tushishdi. O'yin kutilganidek shiddatli va keskin kurashlar ostida kechdi. Natija ham shunga yarasha bo'ldi. Raqibdan biroz ustunlik qilgan “FarDU terma jamoasi” 2:1 hisobida g'alaba qozonib, finalga yo'llanma oldi.

Ikkinchi finalchi nomi “Beshariq” va “SLS farm klub” jamoalari o'rtasidagi bahsdan keyin malum bo'ldi. Musobaqaga hammadan keyin qo'shilgan beshariqlik futbolchilar raqibni 5:2 hisobida dog'da qoldirib, hal qiluvchi o'yinga chiqishga muvaffaq bo'lishdi.

Musobaqa g'olibi 30 mart kuni malum bo'ladi.


“Navro'z Kubogi-2016”
Yarim final
28 mart
“FarDU terma jamoasi”  – “Neftchi-2” – 2:1
“Beshariq” – “SLS farm klub” – 5:2

Final
30 mart
“FarDU terma jamoasi” –  “Beshariq”