Marko Kolakovich: "Final haqida o'ylashga hali juda erta"

- O'yin haqida

- Muxlislarimizga ajoyib muhit va bizga ko'rsatgan qo'llab-quvvatlashlari uchun minnatdorlik bildirmoqchiman va futbol Buxoroga qaytganidan xursandman. Buxoro shahri va klubdagi barchani g'alaba, final va klub tarixiga kirgani bilan tabriklayman. Shuningdek, sobiq murabbiyimiz Ulug'bek Bakaev va uning yordamchilariga rahmat aytmoqchiman – bu barchamizning g'alaba. O'yinga kelsak, menimcha, qiziqarli bo'ldi, juda yaxshi o'ynadik va haqli ravishda g'alaba qozondik. Bu o'yinni unutib, "Mashal" bilan o'yinga etibor qaratamiz.

- "Buxoro" ikkinchi bo'limda natijani saqlab qolishga urindimi?

- Ikki xil taym bo'lganiga qo'shilaman. Birinchi bo'limda himoyada ham, hujumda ham taktik jihatdan juda yaxshi o'ynadik, buni natijadan ham bilsa bo'ladi. Ikkinchi bo'limga kelsak, natijani saqlab qoldik deya olmayman, o'yinni ertaroq yakunlash uchun yaxshi imkoniyatlarga ega bo'ldik, ulardan foydalana olmadik va raqib bizni jazoladi. Quvonarlisi, ikkinchi goldan keyin taslim bo'lmadik. Garchi bu biz uchun juda qiyin bo'lsa-da, diqqatimizni jamladik va o'yin oxirida super gol urdik.

- Finalda raqib "Paxtakor" ekanligiga munosabatingiz?

- "Paxtakor" bilan final masalasiga kelsak, bu haqda gapirishga hali erta. Finalgacha ular bilan chempionat o'yinimiz bor. Hozirdan final haqida o'ylash noto'g'ri, chunki finalgacha chempionatda juda qiyin o'yinlarimiz bor.