“Ayntraxt” ustozi: “Ko'zlarimda yosh”

Kostich boshqa klub bilan muzokara olib borayotgani tufayli “Real”ga qarshi titul uchun bahs qaydnomasiga kiritilmadi.

Avvalroq, yarim himoyachi “Yuventus” bilan kelishib qo'ygani va 2025 yilga qadar shartnoma imzolab, yiliga 2,7 mln evro maosh olishi xabar qilingandi.

“Ko'zlarimda yosh. Kostich biz uchun juda muhim edi va uning ketayotgani albatta xafa qiladi. O'tgan mavsum u 22 ta golli kombinaciyada qatnashdi. Ammo o'tgan mavsum startini eslasam, u ketishiga oz qolgandi. Biz yaxshi suhbat o'tkazdik va keyin u muzokaralarga 100 foiz kirishdi. Unga agar “Ayntraxt”dan ketmoqchi bo'lsa, buni qahramon sifatida qilishi kerakligini aytdim. O'ylashimcha, u bunga erishdi, chunki Evropa Ligasi oxirgi mavsumining eng yaxshi futbolchilaridan biri bo'ldi”, deydi Glasner.