"Atletiko" Feliksni 80 mln evroga sotmoqchi, klub uni jamoa tarkibida ko'rishni xohlamayapti

"Matraschilar" rahbariyati portugaliyalikni o'z safida ko'rishni xohlamayapti va 80 million evrodan boshlanuvchi takliflarni ko'rib chiqishga tayyor.

O'yinchining o'zi ham "Atletiko"ni Diego Simeone boshqarayotgan ekan, u erga qaytmasligini tushunmoqda.

Feliks joriy mavsum ijara asosida o'ynayotgan "Barselona" jamoasi to'liq transferni amalga oshira olmaydi. Kataloniya klubi yana bir mavsumlik ijarani taklif qilmoqda.

"Atletiko" uchun maqsad futbolchining sotuvi bo'lib qolmoqda, "Barselona"ga ijara oxirgi navbatda ko'rib chiqiladi.

Joau Feliks "Atletiko"ga 2019 yilda "Benfika"dan 127 million evro evaziga o'tgan. 24 yoshli portugaliyalikning Madrid klubi bilan shartnomasi 2029 yilning yoziga qadar mo'ljallangan.

Feliks joriy mavsum "Barselona" safida 34ta rasmiy o'yinda ishtirok etib, 9ta gol va 5ta assist qayd etdi.