Asror Aliqulov: "Yo'qotishlarni hisobga olsak, durang biz uchun kerakli natija"

O'yin haqida

- Kurashga boy o'yin bo'ldi desam to'g'ri bo'ladi. Jismoniy holat va xarakter yuqori darajaga chiqqan uchrashuv guvohiga aylandik. Havoning biroz issiqligi ham futbolchilar maydonda o'z mahoratlarini to'liq ko'rsata olishlariga to'sqinlik qilgandir. Oxirgi daqiqalargacha asabiy o'yin bo'ldi. Yo'qotishlarni hisobga olsak, durang biz uchun kerakli natija edi deb aytsak bo'ladi.

- Bugun himoyaviy uslubni reja qilganmidingiz?

- Yo'q, biz chuqur himoyaga yotib oladigan reja tanlamadik. Bizga ko'proq maydon holati xalal berdi. Biz qisqa uzatmalar bilan o'ynaymiz, lekin maydondan kelib chiqib boshqacharoq uslubga o'tdik. Himoyada yotvolib qarshi hujum rejamiz yo'q edi.

- Har ikki ligada ham ishlagan mutaxassis sifatida Superliga va Pro-liganing farqini qanday baholaysiz?

- Pro liga bu yilgi mavsumda jamoalarning darajasi bir-biriga yaqin. Superliganing ham darajasi anchayin oshdi. Pro-liga klublari tarkiblariga etibor qaratsangiz, Superligada o'ynagan ko'plab futbolchilar bor. SHu bois Pro-ligada ham hech bir uchrashuvni o'tkinchi o'yin sifatida baholab bo'lmaydi.