Asror Aliqulov: "Himoyadagi xato bizni ikki ochkodan mahrum qildi"

- O'yin shiddatli o'tdi, deb ayta olaman. O'z maydonimizda muxlislarni xursand qilishni istagandik. To'p kiritdik, lekin g'alabani ushlab qola olmadik. Himoyachimizning xatosidan so'ng gol o'tkazib yubordik. G'alab qozonish uchun harakat qildik. 

- O'zingiz himoyachi bo'lgansiz. Bugun mudofaa chizig'i vakili SHohzamon Hayrullaevning havaskorlarga hos qilgan harakatiga qanday munosabat bildirasiz?

- Bu oddiy holat. To'pni qabul qilishdagi texnik xato. Bunday xato futbolda uchrab turadi. O'sha vaziyatda u qiyin holatda emasdi. Birgina xato bizni ikki ochkodan mahrum qildi.  

- "G'ijduvon" mehmonda o'ynaganiga asosiy tarkibda qaramay ikkita hujumchi, "SHo'rtan" bitta hujumchi bilan maydonga tushdi. Keyinchalik Muhriddin Zoirov zaxiradan maydonga tushib gol urdi...

- Biz rotatciya qilyapmiz. Asadbek Samariddinovga ko'p imkoniyat berayotganimiz yo'q. SHu bois bugun Asadbek asosiy tarkibda, Muhriddin zaxiradan o'yinga qo'shildi. Muhriddinni tezlik qo'shish maqsadida tushirdik. O'ylaymanki, to'g'ri qaror qabul qildik. 

- "G'ijduvon" gol urganidan keyin o'yinni cho'zishga harakat qilgani aytildi. Siz bunga qanday qaraysiz? "SHo'rtan" bunday holatda o'yinni cho'zarmidi?

- Maqsadimiz yoshlarni katta futbolga tayyorlash. Qanday o'yin qilishi raqibning o'ziga bog'liq. Biz "Yangier" bilan ham, yutgan o'yinlarimizda ham vaqt cho'zmadik. Bu futbolchilarning kelajagiga tasir qiladi. Yutayotgan pallada qanday himoyalanishni ham bilish kerak.