Angliya Premer-ligasi boshlanishiga 4 kun qoldi!
04 avg 2015 10:00
Yangiliklar

Angliya Premer-ligasi boshlanishiga 4 kun qoldi!

Biz orziqib kutgan Angliya Premer-ligasi o'yinlariga 4 kun qoldi va shu munosabat bilan ushbu chempionatning 4 raqamdagi eng mashhur futbolchisi haqida biroz malumot beramiz.

Franchesk Fabregas - 4.

1987 yil 4 mayda Ispaniyaning Arens-de-Mare shahrida tug'ilgan. Ispaniya terma jamoasi va "CHelsi" jamoasi yarim himoyachisi.
U 10 yoshidayoq "Barselona" futbol akademiyasi skautlari nazariga tushadi. 2003 yilda esa "Arsenal" futbolchisiga aylanadi. "Kanonirlar" safida 212 ta o'yinda maydonga tushib, 35 marotaba gol muallifiga aylangan.
2011 yilda esa "Barselona" safiga borib qo'shiladi. Kataloniyaliklar safida 2011-14 yillar davomida 96 ta o'yin o'tkazib, raqiblar darvozasiga 28 ta gol kiritgan.
2014 yilda esa Joze Mourino qo'l ostidagi "CHelsi" safiga borib qo'shilgan. U hozirgacha ushbu jamoa safida harakat qilib kelmoqda.

Terma jamoada
2006 yilda ilk marotaba Ispaniya terma jamoasidan chaqiruv olgan. JCHda Ispaniya terma jamoasi safida o'ynagan eng yosh futbolchi (19 yosh 41 kun). 2008 va 2012 yillarda Evropa CHempioni. 2010 yilda esa jahon chempioni bo'lgan.