Andrey Miklyaev: "Boshimiz qotgan"

- Juda qiyin uchrashuv bo'ldi. O'yinni yomon boshlamagandik. Birinchi taymda bir qator imkoniyatlar bo'lgandi. Ammo negadir bugun bizning o'yinimizni kutilganidek meva bermadi. Ikkinchi taymda esa aytarli vaziyatlar ham yarata olmadik. O'yin teng kechdi. "Bunyodkor" o'z imkoniyatidan foydalandi va g'alabaga erishdi. Bu bilan ularni tabriklayman.

Tarkibdagi bir qator futbolchilar jarohatlangan. Bugun ham Muhammadiev jarohat oldi va almashtirishni so'radi. SHuningdek, Oleg Zoteev ham uni almashtirishni so'ragandi. Keyingi bahsni Kone diskvalifikaciya tufayli o'tkazib yuboradi. Islom To'xtaxo'jaevda ham jarohat mavjud. Boshimiz qotgan.
Hujumda muammolarimiz bor. Bikmaev ham jarohatlangan. Oxirgi o'yinlarda vaziyatlarni golga aylantirishda muammolarga duch kelyapmiz.  

- Ikrom Aliboev ikkinchi davrada "Paxtakor"da o'tayotgani qanchalik rost?
- Bu haqida biror narsa deya olmayman. Izohsiz.

- Davralar oralig'ida yangiliklar bo'ladimi? Ko'rikda hozirda bir qator legioner futbolchilar ko'rinish bergani haqida malumotlar mavjud?
- Ha, legionerlar mavjud va ular ko'rikda. Kim qolish yoki qolmasligi hozircha nomalum.