Andre Onana: "ECHLning o'tgan mavsumdagi eng yaxshi darvozaboni 6 oyda eng yomoniga aylandimi?"

Ushbu mavsumda 27 yoshli posbon 24 o'yinda 39 gol o'tkazib yubordi va APLning 16 o'yinida 3 marta sariq kartochka oldi.

"Manchester Yunayted"dagi faoliyatim bu tariqa boshlanganidan o'zim ham mamnun emasman, chunki bundan ham yaxshiroq bo'la olishimni bilaman. Buni ayrim o'yinlarda ko'rsata oldim va hozirgidan ko'ra yaxshi bo'la olaman. Ayni paytda biz uchun qiyin davr. Umid qilamanki, barchasini tezda o'zgartira olamiz.

Siz ECHLning o'tgan mavsumdagi eng yaxshi darvozabonni 6 oyda eng yomoni deb atayapsizmi? Yo'q! Barchasi vaqtincha. Bugun bo'lmasa, ertaga, ertaga bo'lmasa, undan keyin barchasi o'z joyiga tushadi", - dedi kamerunlik posbon "Sky Sports" nashriga bergan intervyusida.