Andijonda “Kelajagimiz umidlari” futbol festivali boshlandi

Dastlab, bolalar o'rtasidagi futbol musobaqalari Andijon shahrida start oldi. Andijon shahridagi Olimpiya zaxiralari kollejida 7 yoshli bolalardan iborat 10ta jamoa musobaqalarga kirishdi. 20 yanvardan Namangan va Farg'ona viloyatlarida ham festivalga start beriladi. Ushbu festivalda 7 yoshdan 10 yoshgacha bo'lgan bolalar ishtirok etishini ham qo'shimcha qilish kerak.
Aytish kerakki, “Kelajagimiz umidlari” festivali vodiydan boshlanib, butun respublika bo'ylab davom etadi.

Festival davomida ishtirokchilariga sovg'a sifatida to'plar, sport formalari taqdim qilinadi hamda Faxriy yorliqlar topshiriladi.