Ana xolos! Pike navbatdagi o'yin uchun ro'yxatga kiritildi

Bu borada xabarlar "ko'k-anorranglilar"ga aloqador sahifalarda paydo bo'ldi. 

35 yoshli futbolchi avvalroq professional futbolchilik faoliyatini yakunlaganini elon qilgan edi. 

Pike Ispaniya chempionati 13-turida "Almeriya"ga qarshi bahs (2:0) uning uchun so'nggisi bo'lishini malum qildi. Qayd etilishicha, futbolchi "Osasuna" bilan bahs qaydnomasiga tarkibdagi muammolar tufayli kiritilgan. 

Eslatib o'tamiz, Pike "Barselona" tarbiyalanuvchisi hisoblanadi. Himoyachi 2004 yilgacha Kataloniya klubida o'ynagan. SHundan keyin "Manchester Yunayted"ga o'tib "Saragosa"da ijara asosida harakatlangan. Ispaniyalik himoyachi 2008 yilda yana "Barsa" lageriga qaytib keldi. Pike "Barselona" safida 616 ta o'yinda maydonda harakatlandi va jamoasi bilan birga 28 ta sovringa ega chiqdi.