Alison: “ECHL yarim finalida “Enfild”dagi bahs ko'p narsani o'zgartirib yuborgandi”
20 iyu 2018 08:30
Yangiliklar

Alison: “ECHL yarim finalida “Enfild”dagi bahs ko'p narsani o'zgartirib yuborgandi”

Yaqindagina “Liverpul”ga kelib qo'shilgan darvozabon Alison Bekerning tan olib aytishicha, ECHL yarim finalida “Enfild”da kechgan bahs uning “Roma”dan “Liverpul”ga o'tishi asosiy sabablardan biri bo'lgan ekan.

“Bunday muhim qarorlarni qabul qilishda gap faqat klubni almashtirishda bo'lmaydi. U amalda butun hayotingni o'zgartirib yuborishi mumkin. Bu mening oilam –rafiqam va qizimning taqdiriga ham tegishli.

Yarim finalda “Enfild”da kechgan o'sha bellashuv mening bu qarorga kelishimda yanada turtki bo'lgandi. Albatta, bu stadionda kechgan boshqa bellashuvlarni ham kuzatgandim. Kloppning jamoani qay tarzda maydonga boshlab tushishiga etibor qaratdim. Bu holat menga juda maqul kelgandi. Bunday jamoada o'ynash istagi o'z-o'zidan kuchaygandi.

O'ylaymanki, “Liverpul”ning o'ziga xos tarixini yaratishda muhim rol o'ynayman va sovrinlar yutib, ushbu loyihada faol ishtirok etaman”, deya Alisonning so'zlaridan iqtibos keltirmoqda “Liverpul” matbuot xizmati.

Eslatib o'tamiz, ECHL-2017/18 yilgi mavsumning yarim finalida “Liverpul” “Enfild”da “Roma”ni 5:2 hisobida taslim etgandi.

Havola :

Manba : "Ливерпул" ФК расмий сайти

Yangiliklarni Telegramda o'qing!

Reyting: +23