Alan Brandi: "Igitani rosa maqtashgandi, ammo biz uning xatolaridan unumli foydalandik"
01 okt 21:53
Yangiliklar

Alan Brandi: "Igitani rosa maqtashgandi, ammo biz uning xatolaridan unumli foydalandik"

Jahon chempionati chorak finalidan o'rin olgan Qozog'iston – Argentina (1:6) uchrashuvidan so'ng argentinaliklar azosi Alan Brandi fikrlarini bildirdi.

- O'yin haqida

- Qiyin uchrashuv bo'ldi. Albatta, chorak finalda oson o'yin bo'lmasligi tayin edi. Biroq biz yaxshi o'yin ko'rsatib, natijaga erishishni uddaladik. Zo'r o'yin o'tkazdik deb bemalol ayta olaman.

- Qozog'iston haddan ziyod ko'p xatolarga yo'l qo'ydi. Bu sizlar uchun ayni muddao bo'ldi...

- O'ylaymanki, biz yorqin o'yin ko'rsatdik. Raqib darvozabonini rosa maqtashgandi, ammo biz uning xatolaridan unumli foydalandik. Biz uchrashuvga puxta tayyorgarlik ko'rganimiz evaziga ularda xatolar ko'payib ketdi degan fikrdaman.

- SHu vaqtga qadar barcha mundiallarda 16 ta gol urgansiz. Bugun Qozog'iston darvozasi 6 marta ishg'ol qilindi, lekin siz gol urmadingiz...

- Ha, bu normal holat. Bugun gol urmagan bo'lsam-da, jamoamiz g'alaba qozondi, bu eng muhimi.

- Keyingi raqib Franciya. Faranglar tarixda birinchi marta yarim finalda o'ynaydi. Bu haqda qanday fikrdasiz?

- Franciya – yaxshi shakllangan jamoa. SHuning uchun ham yarim finalga chiqdi. Bizga qiyin bo'lishi shubhasiz, JCH yarim finalida oson o'yin bo'lmaydi.

Havola :

Manba : Championat.asia

Yangiliklarni Telegramda o'qing!

Reyting: +5