Akobir To'raev: “Guruhda qaysi raqib bilan to'qnash kelishimizning ahamiyati yo'q edi”

Bu gal terma jamoamizning asosiy hujumchilaridan biri bo'lgan, Akobir To'raevning fikrlarini bilishga qiziqdik. Ancha kamgap bo'lgan istedodli hujumchi, biz bilan suhbat davomida jahon chempionatida eng yaxshi hujumchi bo'lishga harakat qilishini alohida takidlab o'tdi.

- Akobir, siz to'p surayotgan o'smir terma jamoasi kechagi qura natijalariga ko'ra “S” guruhidan joy oldi. Bunga qanday qaraysiz?
- Biz bilan bitta guruhda juda kuchli va nomdor terma jamoalar joy oldi. Garchi bu raqiblarimiz xaqida hech qanday malumotga ega bo'lmasamda, ularni baribir kuchli deb o'ylayman.
To'g'risini aytsam, shaxsan men uchun guruhda qaysi terma jamoa bilan bo'lishni ahamiyati yo'q edi. CHunki jahon chempionatida kuchlilar qatnashadi.

Islombek Rustambekov suhbatlashdi.