Abramovich Lempardga 2 mln funt to'lab beradi. Kompensaciyalar ummonida bir tomchi: "CHelsi" sobiq murabbiylariga qancha pul sarflagan?

"CHelsi" kecha Tomas Tuxelni rasman jamoa bosh murabbiyi sifatida elon qildi, buning uchun "aristokratlar" hali shartnoma muddati yakuniga etmagan Frenk Lempardga chiqish eshiklarini ko'rsatishdi. The Athletic xabarlariga ko'ra, Roman Abramovich Frenkiga maoshining qolgan qismini to'lab beradi – taxminan 2 mln funt.

Lempard – Abramovich davridagi (13 nafardan) kompensaciya puli olayotgan 10-murabbiy.

• Faqat Rafael Benites (Di Matteo ketgach, 2013 yil mayida kelgan), Gus Xiddink (Mourinyu ikkinchi marta klubdan ketganidan keyin jamoa boshqaruvini qo'lga olgan) va Mauricio Sarri ("Yuventus"ga ketgandi) klubdan ketayotgani uchun pul olmagan.

•‎ Mourinyu har ikki safar ham o'zi, ham shtabi uchun kompensaciya pulini olgan – portugaliyalik assistentlari bilan alohida shartnoma imzolanishini so'raydi.

• Eng katta kompensaciya – Antonio Konte uchun bo'lgan: 26,6 mln funt. Ammo murabbiyning shaxsan o'zi faqatgina 9 (yillik maoshi)ni olgan. Qolgan mablag' – shtab vakillari va sud sarf-xarajatlariga ketgan.

Tomas Tuxel bilan kelishuv 1,5 yilga mo'ljallangan va yana 1 yilga uzaytirilishi mumkin. Ushbu opciyani har ikki tomon tashabbusi bilan ishlatilishi mumkin. 

SHartnoma muddati nisbatan qisqaligi qiziq-a? Kim biladi deysiz, balki bu kelajakda kamroq kompensaciya puli to'lash uchun ehtiyot chorasidir?!