"Superligada 2-3 o'rinlarni o'ylayotganimiz yo'q. Men uchun jamoadagi hamma eng zo'ri" - "Navbahor" hujumchisi kubok,chempionlik va vodiy derbisi haqida

"Istiqlol" stadionida "Neftchi" bilan kechgan vodiy derbisida omad namanganliklarga kulib boqdi. Uchrashuvda "Navbahor"ning g'alaba goliga Zoran Marushich mualliflik qildi. O'yindan so'ng serbiyalik hujumchining fikrlari bilan qiziqdik. Marushich kecha Superligadagi sakkizinchi golini urdi. 

Neftchi Fozil Musayev - 4'

Superliga. 22-tur 18/10/2022, 18:30 2 : 1 Tugadi

Navbahor Jamshid Iskanderov - 29', Zoran Marushich - 64'

45'

90'

4'  Fozil Musayev

29'  Jamshid Iskanderov

64'  Zoran Marushich

Match-senterda ochish

- Kechagi bahs ko'proq qaysi jihatlari bilan yodda qoldi? Umuman derbi qanday taassurot qoldirdi?

- Mazkur bellashuvda jamoa va muxlislarni boshqa uchrashuvlarga qaraganda o'zgacha hissiyotlar qamrab oladi. CHunki  derbi, degan nomi bor. Stadiondagi futbol muhitidan malum ediki, o'yin muxlislarda katta hurmat uyg'otgandi. Yomg'ir va noqulay havo ularga aslo to'sqinlik qila olgani yo'q. Yakunda biz o'z ishqibozlarimizga xursandchilik keltirdik. G'alaba doim yoqimli. 

Coca Cola Superligasi. Vodiy derbisida "Navbahor" mehmonda "Neftchi"dan ustun keldi

- Orada malum vaqt zaxirada qolishingizga to'g'ri keldi. O'rningizda Aleksandr Kasyan harakat qildi. Bu nima bilan bog'liq edi?

- Jarohatim bilan bog'liq muammolarim bor edi. Murabbiy bilan maslahatlashib tavakkal qilmay, dam olgan maqul, degan qarorga keldik. "Dinamo" bilan o'yinni o'tkazib yubordim. Hozir o'zimni yaxshi his qilyapman. 

- "Navbahor"da chempionatni ham, kubokni ham yutish uchun qulay imkoniyat yuzaga kelgan. Sizningcha qaysi sovrin muhimroq?

- Biz mavsum boshidanoq oldimizga katta maqsad qo'yganmiz. Qo'limizdagi imkoniyatni qochirib yuborish niyatida emasmiz. Ikki frontda kurash oxirigacha davom etadi. 

- Superligada 2-3 o'rinlar qanchalik qoniqtiradi?

- Kubok va chempionatda oldimizga qo'ygan maqsadimizga jamoadagilar bilan birgalikda erishishimiz mumkin. Namanganga 2ta kubok va quvonch keltiramiz, degan umiddaman. 2-3 o'rinlar haqida o'ylayotganimiz yo'q. 

- "Navbahor" tarkibida qaysi futbolchi bu yil eng yaxshi bo'lishga munosib?

- Ayni damda shu jamoadagi hamma eng zo'ri. CHunki barchamiz bitta vazifa yo'lida mehnat qilyapmiz. Mag'lubiyat va  g'alabani birga qabul qilamiz. Men uchun chempionat oxirigacha shunday bo'lib qoladi. 

- Mavsum yakunlanmoqda. Bu pallada o'ziga yarasha xulosalar chiqarish, avvalgi o'ynagan ligalaringiz bilan taqqoslashingiz mumkin. Gruziya va O'zbekiston chempionati o'rtasida qanday tafovut sezdingiz?

- Buni hamma o'ziga hos tarzda ko'radi. SHuning uchun solishtirish qiyin.