“Istarafshon” – Tojikiston milliy chempionatining oliy ligasida debyut mavsumini o'tkazmoqda. Ayni paytda mazkur jamoa 6-pog'onani egallab turibdi. Xalqaro maqomga ega mazkur qarama-qarshilik “Yangier” stadionida bo'lib o'tdi.

Uchrashuvni ko'tarinki kayfiyatda o'tkazgan Jahongir Jiyamurodov shogirdlari 3:0 hisobida zafar quchishdi. Bahsning yakuniy natijasi bundan-da yirik ko'rinishga ega bo'lishi mumkin edi. Ammo birinchi bo'limning so'nggi daqiqasida Jonibek Ko'chimov belgilangan penaltini aniq amalga oshira olmagan. Takidlash joizki, “Zomin” jamoasi murabbiyi, yaqin o'tmishning tezkor futbolchilaridan biri Jahongir Jiyamurodov ikkinchi bo'lim o'rtalarida zaxiradan maydonga tushdi.

Aynan uning aniq uzatmalaridan so'ng, mehmonlar darvozasi uch bor ishg'ol etilgan. Qo'lga kiritilgan ushbu g'alaba “Zomin” jamaoasi futbolchisi Abdumutal Tursunqulovga munosib “to'yona” bo'ldi, deyish mumkin. Shu kuni Abdumutal o'zining nikoh to'yini nishonlagandi.

“Zomin” (O'zbekiston) – “Istaravshon” (Tojikiston) – 3:0. Yangier shahri.

“Zomin”: Javohir Komilov, Shohzamon Hayrullaev, Vusal Magerramov, Sherzod Jalilov, Asil Mansurov, Doston Bahromov, Avaz Suyundiqov, Jonibek Ko'chimov, Durbek Kamolov, Otabek Ahmadjonov, Azamat Roziqov

Zaxiradan tushganlar: Jahongir Jiyamurodov, Shohjahon Abbosov, Doston Toshmatov, Eldor Karimov, Aziz Ahmedov, Farruh Xodjibekov, Jasur Turdaliev, Davlat Haydarov.

Gollar: Shohjahon Abbosov, Doston Toshmatov (2ta)

"Zomin" Tojikiston jamoasini mag'lub etdi