- O'yin haqida fikringiz?
- Ikkita teng kuchli jamoa bahs olib bordi. O'yin golgacha davom etdi. Biz o'z imkoniyatimizdan foydalana olmadik, raqib esa gol urishga muvaffaq bo'ldi.
- Besh nafar himoyachi bilan o'ynadingiz. Maqsad bir ochkoni qo'lga kiritish edimi?
- Shuni aytishim, bu taktika bungacha foyda keltirgandi.
- Zaxiradan tushganlar o'yinni qanchalik o'zgartira oldi?
- Zaxiradan tushgan hamma yaxshi o'yin ko'rsatdi.
- "Lochin" bilan bahsda mag'lub bo'lgan edingiz. Bugun "Sho'rtan"ga ham imkoniyatni boy berdingiz. Har ikki jamoa o'rtasidagi farq haqida nima deya olasiz?
- "Lochin" bilan adashmasam ikki oy oldin o'ynagandik. Shundan beri vaqt o'tdi. Biz uchun qaysi hudud jamoasi bilan o'ynashning farqi yo'q. Baribir musobaqa davomida hamma bilan o'ynashimizga to'g'ri keladi.
- Vagiz Galiulin mavsum oxirigacha futbolchi sifatida faoliyatini davom ettiradimi yoki murabbiylar shtabiga qo'shib olasizmi?
- Vagiz Galiulin futbolchi sifatida ro'yxatdan o'tgan. Lekin u mashg'ulot payti bizga yordam berib kelyapti. Hozircha u futbolchi, keyin nima bo'lishini ko'ramiz.
- Bugungi o'yinga rejangiz qanaqa edi?
- Rejalar haqida gapirish va taktikani tushuntirib berish matbuot anujmanida ko'p vaqtni oladi. Qisqa qilib aytadigan bo'lsam, g'alaba uchun kelgandik, "Sho'rtan"ni yaxshi o'rganib chiqqandik, lekin omadimiz kelmadi va mag'lub bo'ldik.
