- Ўйин ҳақида фикрингиз?
- "Нефтчи"ни биламиз, кучли жамоа ва турнир жадвалида биринчи ўринда боряпти. Шуни ҳисобга олган ҳолда ўйинга жиддий тайёргарлик кўрдик. Бугунги учрашув чиройли кечди. Биз учун ҳар бир очко олтинга тенг. Мақсадимиз "Хоразм" жамоасини Суперлигада олиб қолиш. Клубимиз раҳбарияти, вилоят ҳокими жамоа яхши натижа кўрсатиши учун қўлдан келган ёрдамини аямаяпти.
- Бугун жамоангиз "Нефтчи"га қарши юқори прессингда ҳаракат қилди. Ўйин услубингиз шундайми ёки бу "Нефтчи"га қарши қўлланилган тактикамиди?
- Бизда "Нефтчи"ни яхшилаб ўрганиш учун етарли вақт бўлди. Ўйинларини кўрдик, кучли томонларини ўргандик. Жамоа кўпинча прессинг билан ўйнайди, биз ҳам шунга яраша ҳозирлик кўрдик. Қарши ҳужум тактикасини танладик ва имкон бўлди дегунча зарба бериш кераклигини айтдик.
