Бу ҳақда "Marca" ёзди.
Нашр хабарига кўра, жамоа Мадридда тайёргарлик кўради. Ўйин 4 ноябрдан 5 ноябрга ўтар кечаси Ливерпулда бўлиб ўтади.
Жозе Моуринью илгари ҳам шунга ўхшаш усулдан фойдаланган. Португалиялик мураббий рақиб майдонида машғулот ўтказмаган "қаймоқранглилар"нинг биринчи ва ягона мураббийи бўлиб, ўйиндан олдинги машғулотларни "Вальдебебас"да ўтказишни афзал кўрган.
"The Athletic" журналисти Марио Кортегананинг маълум қилишича, Алонсонинг машғулотдаги усуллари ҳақида гапирар экан, басклик мураббий томонидан киритилган янги қоидалар туфайли жамоа кийиниш хонасида кескинлик кучайиб бормоқда. Клубдаги манбаларнинг таъкидлашича, Алонсо янада интенсив машғулотлар жадвалини жорий қилган, футболчилар спорт залида ўтказадиган вақтини кўпайтирган ва ўйин таҳлили учун мажбурий видеосессияларни ташкил этган, бу эса ҳамма футболчиларга ҳам ёқмайди.
