Клуб расмий сайти хабарига кўра, томонлар 2 йиллик шартнома имзолади.
Ҳендерсон "Брентфорд"га текинга тушди. Аввалроқ 35 ёшли футболчининг "Аякс" билан битими тугаганди. У Амстердам клуби сафида 57 ўйин ўтказиб, 1 та гол ва 9 та голли узатма муаллифига айланди.
Ҳендерсон фаолиятининг катта қисмини "Ливерпул"да олиб борган. У мерсисайдликлар сафида 492 ўйинда 33 та гол урган ва 58 та голга ассистентлик қилган.
