"2:0 ga yutib turgandik. Keyin nimadir bo'ldi. Ikkinchi bo'limda o'yin o'zgarib ketdi va raqib oldinga o'tib oldi. Keraksiz joyda xatolar qildik. Umuman olganda esa o'yin teng bo'ldi", deya so'z boshladi Kirill Ermolov.
-Qirg'iziston ushbu o'yinda ikki ochko yo'qotdimi yoki bir ochko ishlab oldimi?
-Shahsan mening fikrimcha, bir ochko ishladik deb o'ylayman. Garchi, birinchi bo'limda to'liq ustunlik qilgan bo'lsakda.
-Qirg'iziston terma jamoasining imkoniyatlari...
-Hali imkoniyatlarimiz etarli deb o'ylayman. Bugungi xatolardan xulosa chiqargan holda keyingi ikkita o'yinda g'alaba qozonishga harakat qilamiz.
-Sizning fikringizcha guruh favoriti...
-Shubhasiz, mezbon terma jamoa O'zbekiston. Umuman, terma jamoaning chempionlik uchun ham imkoniyatlari etarli. Terma jamoangizning o'yinlarini o'tgan yildan beri kuzatamiz. Katta ishlar qilindi bu borada. O'zbekiston kamida yarim finalda o'ynaydi.
-Tashkiliy ishlar borasida qanday fikrdasiz?
-Mamlakat uchinchi marta ushbu turnirga mezbonlik qilmoqda. Barchasi a'lo darajada. 10 ballik sistemada 10+ qo'ygan bo'lardim.
Aziz To'xtamurodov
