"Насаф" жамоаси жорий мавсум илк бор ўз майдонида ўйнайди. Қаршиликларга бугун Биринчи лига вакили "Ҳавоканд" рақиблик қилади. Учрашув соат 19:30 да старт олади. Бу Ўзбекистон кубогининг 1-турининг сўнгги учрашуви бўлади.
Шунингдек, мухлислар Бекободда Пролига етакчилари "Металлург" ва "Арал" ўртасидаги учрашувга ҳам гувоҳ бўлишади. Учрашув соат 18:00 да бошланади.
Куннинг сўнгги учрашуви эса Қўқон шаҳрида ташкил этилади. Андрей Шипилов бошчилигидаги "Қўқон-1912" жамоаси Миржалол Қосимов бошқарувидаги ОКМКни қабул қилади. Ушбу баҳс эса 19:00 га белгиланган.
