"Persepolis" sharafini himoya qilayotgan Oston O'runov uchrashuvni asosiy tarkibda boshladi. O'zbekiston terma jamoasi yarim himoyachisi 6 daqiqadayoq hisobni ochishga muvaffaq bo'ldi.
Ikkinchi bo'limning 50 daqiqasida mehmonlar vakili Rafei o'zining ikkinchi sariq kartochkasini olib, "Persepolis"ni og'ir holatga solib qo'ydi. Oradan 8 daqiqa o'tib "Nassaji Mazandaran" hisobni tenglashtirdi. Bu safar ham Oston O'runov katta sahnaga chiqdi va 68 daqiqada uchrashuvdagi ikkinchi golini urib, "Persepolis"ga g'alaba taqdim etdi.
