Бразилиялик юлдуз мамлакатга келганидан ва бу ердаги самимий кутиб олишлардан жуда хурсанд эканлигини таъкидлади. У "Шанхай СИПГ" клубида Одил Аҳмедов билан бирга ўтказган унутилмас йилларини ёдга олиб, Хитойдаги дебют учрашувидаги илк голини айнан Аҳмедовнинг узатмасидан сўнг урганини ва улар майдонда бир-бирини жуда мукаммал тушунишганини эслаб ўтди.
Оскар Одил Аҳмедовни Ўзбекистон футболи тарихидаги энг улуғ ўйинчилардан бири ва ўзининг қадрдон дўсти деб билишини алоҳида эътироф этди. Шунингдек, бўлажак учрашувда (жаҳон афсоналари ва ўзбек афсоналари) унга қарши тўп тепиш қизиқарли кечишини ва бу баҳсда ғалаба қозонишга умид қилаётганини қўшимча қилди.
