Qozog'iston

O'zbekistonlik futbolchilar
"Ordabasi" - Bobir Abdixoliqov
"Ordabasi" - Shahboz Umarov

Qozog'istonda kubok yarim finalining dastlabki bahslari hamda chempionatning 14-tur uchrashuvlari bo'lib o'tdi. O'zbekistonlik ikki nafar hamyurtimiz to'p tepayotgan "Ordabasi" klubi dastlab kubok yarim finalining dastlabki uchrashuvida "Astana" 0:1 hisobda yutqazdi. Umarov bahsni asosiy tarkibda boshlagan bo'lsa, Abdixoliqov 64-daqiqada uning o'rnini egalladi. Ikkinchi o'yinda esa Igor Sergeevning sobiq klubi "Tobol" "Atirau"ni shu hisobida engdi. Javob bahslari 8 iyul kuni o'tkaziladi.

"Astana" -"Ordabasi" 1:0
Gol: Ivanovich (73).
"Astana": Zaruckiy, Aroyan, Astanov (Ourega, 68), Basmanov (Ivanovich, 68), Beysebekov, Darabaev (Ebong, 46), Darbo, Dosmagambetov, Yovanchich, Oganesyan, Prokopenko (Jaksilikov, 75).
"Ordabasi": Shaizada, Matich, Astanov (Suyumbaev, 81), Auro (Jaksilikov, 86), Vasilev, Erlanov, Jorjino (Sadovski, 64), Maliy, Mboj, Tungishbaev (Fedin, 81), Umarov (Abdixoliqov, 64).
Ogohlantirishlar: Dosmagambetov (21), Darabaev (36), Astanov (59), Abdixoliqov (83).

Shuningdek, mamlakatda chempionatning 14-tur uchrashuvlari o'tkazildi. "Ordabasi" "Aqsu"ni qabul qilib, 2:0 hisobidagi ishonchli g'alabani qo'lga kiritdi.

Turnir jadvalida "Astana" 38 ochko bilan peshqadamlik qilmoqda. Ulardan ikkita kam o'yin o'tkazgan holda uch ochko ortda qolayotgan "Ordabasi" 2-o'rinda bormoqda.

15-tur uchrashuvlari 15–16 iyul kunlari bo'lib o'tadi. Undan avval esa evrokuboklarning dastlabki saralash bahslari o'tkaziladi.

15 iyul (shanba)
Maqtaaral-Qaysar
Oqjetpes-Qayrat
Atirau-Ordabasi
Shaxtyor-Aqtobe
16 iyul (yakshanba)
Qiziljar-Tobol
Kaspiy-Jetisu

Qirg'iz Respublikasi

O'zbekistonlik futbolchilar
Alay - Islom Abdullaev
Alay - Javohir Sohibov
Alay - Abdulaziz Yusupov
Dordoy - Kemran Najafaliev
Qora Bolta - Muhriddin Ahmedov
Neftchi Qo'chqor Ota - Azamat Ahmedov
Neftchi Qo'chqor Ota - Muhammadali Tursunov
Neftchi Qo'chqor Ota - Dostonjon Rashidov
Neftchi Qo'chqor Ota - Otabek Haydarov
Neftchi Qo'chqor Ota - Javohir Rasulov
Talant - Muhammadqodir Rahimberganov
Oshmu Aldier - Abdulbori Vositjonov
Oshmu Aldier - Akrom Xodjaev
Oshmu Aldier - Maradona Safarov
Oshmu Aldier - Po'latjon Sharipov
Oshmu Aldier - Muhammadali Ashurov
Oshmu Aldier - Aburahmon Abdulhaqov
Oshmu Aldier - Elnur Turg'unov
Oshmu Aldier - Akmaljon Yuldashev

Mamlakat chempionatining 14-tur uchrashuvlari bo'lib o'tdi. Unda quyidagi natijalar qayd etildi:

"Talant" 1:2 "Muras Yunayted"
"Ilbirs" 3:0 "OshMU-Aldier"
"Abdish-Ata" 7:0 "Kara-Balta"
"Alay" 2:1 "Dordoy"
"Neftchi" 1:0 "Alga"

To'purarlar jadvalida "Abdish-Ata" forvardi Emmanuel Yagr, "Dordoy" hujumchisi Danin Talovich hamda "Alga" futbolchisi Anton Zemlyanuxin 7 ta gol bilan peshqadamlik qilmoqda. Assistentlar bo'yicha esa "Abdish-Ata" o'yinchisi Atay Jumashev 9 ta golli uzatma bilan yakka etakchi bo'lib turibdi.

Chempionatning 15-tur uchrashuvlari 1 iyul kuni start oldi. Unda peshqadam "Alay" o'z maydonida "Alga" bilan 0:0 hisobida durang o'ynadi. Bu haqda keyingi sonimizda batafsilroq malumot beramiz. Bugun va erta qolgan o'yinlar o'tkaziladi.

Tojikiston

O'zbekistonlik futbolchilar
Xo'jand - Xushnudbek Bozorov
Xatlon - Rustam Qo'chqorov
Fayzkand - Zufardjon Akbaraliev
Esxata - Olimjon Karimov
Esxata - Sanjar Rixsiboev
Xosilot - Temur Mamatmurodov
Ko'ktosh - Temur Masharipov
Ko'ktosh - Muxiddin Odilov

Mamlakat chempionatining qoldirilgan 5-tur doirasidagi bellashuvlar bo'lib o'tdi. Unda quyidagi natijalar qayd etildi:

Ravshan – Regar-TadAZ – 3:1
Ko'ktosh – CSKA – 1:0
Esxata – Istiqlol – 0:3
Hosilot – Xo'jand – 1:2
Fayzqand – Xatlon – 2:0

To'purarlar: Manuchehr Jalilov (Istiqlol) – 9 ta, Alisher Jalilov (Istiqlol), Shavkati Hotam (Fayzqand), Azizbek Sultonov (Ko'ktosh) – 7 tadan, Ehsoni Panjshanbe (Istiqlol) – 6 ta, Baxtiyor Zaripov (Esxata), Alisher Shukurov (Ko'ktosh) – 5 tadan.

Shu bilan jamoalar tanaffusga yo'l olishadi. 29–30 iyul kunlari kubokning 1/8 final bahslari o'tkaziladi. Chempionat doirasida 15-tur o'yinlari esa 3–4 avgust kunlari bo'lib o'tadi.

Turkmaniston

Turkmanistonda mamlakat chempionati boshlanmasidan ilgari turnir g'olibi sifatida taxmin qilingan "Arkadag'" yangi ochilgan Arkadag' shahridagi yangi stadionda dastlabki uchrashuvini o'tkazib, "Ahal"ni 3:0 hisobida mag'lub etdi.

8-turdan keyin "Arkadag'" ochko yo'qotmagan holda peshqadam bo'lib turibdi. Ulardan 7 ochko kam jamg'argan "Altin-Asir" ikkinchi o'rinda bormoqda.

Oqil Abdubarnoev tayyorladi.

Markaziy Osiyo. "Ordabasi" kubokda yutqazdi, "Alay" durang o'ynadi, "Arkadag'" esa yangi stadionga ko'chdi