"ESPN" хабарига кўра, "Манчестер Юнайтед" Маркус Рэшфордни 40 миллион фунт эвазига сотишга тайёр. Манбага кўра, "МЮ" 28 ёшли ҳужумчини АПЛнинг бошқа клубига қўйиб юборишга тайёр, аммо уни "Ливерпуль" ёки "Манчестер Сити"га сотиш имкониятини истисно қилади – ушбу клублар учун сўралаётган сумма амал қилмайди. Таъкидланишича, Рэшфорд 2028 йилгача мўлжалланган шартномаси охиригача "Манчестер Юнайтед"да қолишни афзал кўради. Аввалроқ, Рэшфорд ўтган мавсумни ижара асосида ўтказган "Барселона" ҳужумчини 30 миллион еврога сотиб олиш опциясини фаоллаштиришдан бош тортган эди.
