Аввалроқ, мадридликлар 19 ёшли ивуарлик футболчи учун бонусларни ҳисобга олган ҳолда тахминан 100 миллион евро таклиф қилгани хабар қилинганди. Немис клуби бу таклифни рад этди. "Лейпциг" футболчини фақат “ақлбовар қилмас” суммага сотишга тайёр.
Диоманде 2025 йилнинг ёзида "Леганес"дан 20 миллион евро эвазига "Лейпциг"га ўтган эди. Вингер ўтган мавсум барча мусобақаларда 36 та ўйин ўтказиб, 13 та гол урди ва 10 та голли узатмани амалга оширди.
Transfermarkt портали Диоманденинг бозор қийматини 90 миллион еврога баҳоламоқда. Унинг "Лейпциг" билан шартномаси 2030 йилнинг июнь ойи охиригача мўлжалланган.
