“The Touchline” маълумотларига кўра, грузиялик вингернинг 2026 йилги "Олтин тўп" топшириш маросимидаги иштироки энди сўроқ остида турибди.
"Пари Сен-Жермен" вингери сешанба кунги Чемпионлар Лигаси доирасида "Барселона" устидан қозонилган ғалаба (4:2) пайтида ўнг тиззасидаги олдинги хочсимон бойламларини (ACL) узиб олди. Жароҳат шифокорлар томонидан тасдиқланди ва грузиялик футболчи яқин кунларда жарроҳлик амалиётини ўтказиши кутилмоқда.
Бироқ унинг душанба кунги маросимда қатнашиши бўйича ҳозирча расмий қарор эълон қилинмаган.
"Олтин тўп" тақдирлаш кечаси 26 октябрь куни Лондоннинг "Палладиум" театрида бўлиб ўтади ва ушбу тадбирнинг 70 йиллигига бағишланади. Кварацхелия ПСЖ сафидаги ёрқин ўйинларидан сўнг эркаклар ўртасида ушбу совринга номзод 30 нафар футболчи қаторидан жой олган ди. Ушбу маросимни ўтказиб юбориш — мавсумнинг қолган қисмини хавф остида қолдирган жароҳатнинг яна бир оғриқли оқибати.
Эслатиб ўтамиз, 25 ёшли футболчи "Барселона"га қарши ўйиннинг иккинчи бўлимида майдонни ёрдамчилар кўмагида тарк этишга мажбур бўлганди. Кейинги тиббий кўриклар тизза жароҳатининг нақадар оғир эканини тасдиқлади. Олдинги хочсимон бойламлар операциясидан сўнг тикланиш одатда узоқ ойларни талаб этади, бу эса грузиялик футболчининг узоқ муддатга катта футболдан четда қолишини англатади.
