- Ўйин бобида ҳеч нарса демайман. Ҳозир футбол ҳақида гапиришнинг ўзи ноўрин. Қаттиқ ҳафа бўлдим. 3 йил давомида бу жамоани қургандик. Меҳнат қилдик, шу таркибни йиғдик, энди эса бу жамоани бузилиб кетишини томоша қиляпман. Кўплаб футболчилар жамоадан кетишди. Кимлар учундир бу кулгили бўлиши мумкин. Лекин мен футболни яхши кўраман, бу барчанинг репутациясига жиддий таъсир қилади. Бугун бу ёш йигитларнинг кўплаб йиллар давомида яхши тажриба йиғган футболчиларга қарши ўйнашини кўрдим, улар ҳаракат қилишди. Бизда муаммолар жуда кўп. Барча ёрдамчиларим жамоадан кетишмоқда. Бу мен учун жуда оғир зарба. Чунки мен уларни жамоага олиб келганман, ишларни бирга олиб бораётгандик. Энди эса улар Ўзбекистонни тарк этишмоқда. Бу мени ҳафа қилмоқда. Балки яна ёнишлари, чиройлироқ ўйин кўрсатишлари учун бу ёш йигитларга янгича куч керакдир. Сўнгги ўйинларда, балки, қандай футбол ўйнашни мен тушунтира олмаётгандирман, деган фикрлар келмоқда. Балки, мен бераётган куч уларга камлик қилаётгандир. Бироқ мен ҳам одамман. Мен ҳам чарчайман, оилам бор. Ҳозир бизда шундай оғир дамлар: ёрдамчиларимсиз, ёнимда ҳеч ким йўқлигидан, бир ўзим курашишим жуда қийин. Бундан маъно ҳам йўқ.
- Ўзингиз айтдингиз, бу ҳолат репутциянгизга жиддий таъсир қилади. Сизнинг "Бунёдкор"даги юқори даражадаги икки йиллик фаолиятингизни қайд этган ҳолда жамоадан кетиш ҳақида ўйламаяпсизми?
- Агарда янги мураббий келиб, жамоанинг кучини кўпайтириб, ўйинини яхшилай оладиган, ҳар томонлама ўсишига ёрдам бера оладиган мураббий келадиган бўлса, мен кетишим керак бўлса, кетаман. Мен жуда қаттиқ чарчадим. Бошқаларнинг методи жамоага ёрдам бериши мумкиндир. Бўлаётган ҳодисаларни томоша қилиш мен учун жуда оғир. Сўнгги томчилар тўкилди. Ёрдамчиларим ҳам бу жамоада бўлишдан чарчашди. Улар ҳам бу ҳолатда бўлишдан маъно кўришмади. Маошларсиз юриш... Улар ҳеч нимани тушунишмади. Мен ва йигитлар учун жамоада қолишни исташаётганди. Аммо энди сўнгги томчилар ҳам тўкилди. Уларнинг қолишини мен ҳам истадим, тез-тез гаплашиб турдим. Жамоа парчаланмоқда, емирилмоқда, буни барча кўриб турибди. Бу ерга келганимда жамоа сўнгги ўринда эди. 10-ўрингача кўтарилдик. Ўтган йили 5-ўринни эгалладик. Бу йили ҳам 3-4-ўринларни эгаллаб тургандик. Жамоанинг чўкиб бораётганини натижалардан ҳам билиш мумкин. Бош мураббий сифатида мен ўзимнинг хатоларнимни тан оламан. Бу ерда барча одамлар, ташкилотлар, клубдагилар ушбу ҳолат учун ўз хатоларини тан олишлари керак.
- Жиддий савол бераман, бунга жавоб бермаслигингиз ҳам мумкин: "Бунёдкор"нинг бу даражага келиб қолишига сабабчи ким?
- Бу савол менга эмас. Мураббий сифатида биз ўз ишларимизни қиляпмиз. Бу жуда чуқур масала. Жуда оғир масала. "Бунёдкор"ни ким бу аҳволга туширгани менга қизиқ эмас.
