Тадбирда клуб президенти Ойбек Ашурматов, бош мураббий Аббос Эргашев, Сирдарё вилояти спорт бошқармаси бошлиғи Анвар Бўронов, вилоят футбол ассоциацияси вакиллари, ёш футболчилар ҳамда уларнинг ота-оналари иштирок этди.
Маросим давомида академиянинг фаолияти ва келгусидаги режалари ҳақида маълумот берилди. Якунда ёш футболчиларга либослар, мураббийларга эса машғулотлар учун зарур спорт анжомлари топширилди.
Эслатиб ўтамиз, “Гулистон” футбол клуби Ойбек Ашурматов, Жаҳонгир Жиямуродов бошқарувида ижобий таассурот қолдирмоқда. Жамоа Биринчи лигада ўз минтақасида яққол пешқадам. Шунингдек, Ўзбекистон Кубогида Биринчи лига жамоалари орасида биринчи бўлиб, чорак финалга етиб келди.
