– Ўйин ҳақида қисқача ўз фикрларингизни айтиб ўтсангиз?
– Муҳим ғалабани қўлга киритдик. Бу ғалаба бизга жуда ҳам муҳим эди. Охирги турда ютқазиб қўйгандек эдик, шунинг учун йигитларга раҳмат, ҳаракат қилди. Кутилгандек мақсадимизга етдик.
– Жамоа биринчи голдан кейин ҳам анъанавий 4-4-2 схемасида ҳаракат қилди. Бу ўша олдинги чизиқдаги ижрочиларга аниқ ишонч ҳосил қилинганданми ёки натижани ушлашга ҳаракат қилиндими?
– Йўқ, биз режамизни охиригача ўзгартирмадик. Жамоада ҳозир реализацияда муаммо кўряпмиз. Вазиятлар жуда ҳам кўп, лекин якунлашда озгина йигитларга ўзига бўлган ишонч етишмаяпти. Ҳаракат қиляпмиз, шу ишончни, ўша гол уришни… Бу бўйича кўп ишлар қилиняпти, лекин билмайман, босимни енголмаяптими, қандайдир ўзига бўлган ишончсизлик йўқми. Кўп вазиятларда гол уролмаяпмиз. Мен ўйлайманки, вақтинчалик, ҳаммаси жойига тушиб кетади. Режа бўйича ҳаракат қилдик, ҳеч қандай ўзгартириш киритганимиз йўқ.
– Жамоага янги келиб қўшилганларнинг интеграцияси бўйича нима дейсиз?
– Ҳали уларга баҳо беришга эрта, чунки бизга тайёр, бизни кучайтириб берадиган ўйинчи ҳали келмади. Аксинча, биз уларни кучайтиришга ҳаракат қиляпмиз.
– Трансферлар борасида яна янгиликлар бўлиши мумкинми?
– Бўлиши мумкин, чунки ҳозир таркибимизни кучайтирмасак, айрим позицияларга ўйинчи олмасак бўлмайди.
