"У жамоага ҳам, менга ҳам панд берди, чунки биз режаларимизни айнан у билан бирга қурган эдик. Мен "Манчестер Юнайтед"га келгунимга қадар Португалияга учиб бориб, у билан мақсадларим ва режаларим ҳақида шахсан гаплашган эдим. У футбол тарихидаги энг яхшилардан бири, мен унга жуда катта ҳурмат билан қарайман. Лекин мураббий сифатида мен холис ва тўғри қарор қабул қилишим керак эди.
Роналду тўп билан ҳам, тўпсиз ҳам югурмас эди. Бунинг сабаби — у мавсумга яхши тайёргарлик кўрмаганида эди. Ҳар бир топ-клуб ўз сафидаги топ-футболчини қўллаб-қувватлаши керак, аммо бундай юлдузнинг ўзи ҳам жамоа учун меҳнат қилиши шарт.
У машғулотларда бошқа футболчиларга: "Машғулотларда кучингизни тежанг", дер эди. Агар сиз энг юқори спорт формасида бўлсангиз, айрим енгилроқ машқларда кучни тежашни тушунса бўлади... лекин аввал ўша керакли спорт формасига кириш учун ҳам яхшилаб машғулот қилишингиз керак-ку!", - деди Тен Хаг.
